Yfir 600 umsóknir bárust í Nýsköpunarsjóð námsmanna fyrir sumarið eftir að aukafjárveiting barst í sjóðinn. Markmið sjóðsins er að veita háskólum, rannsóknastofnunum og fyrirtækjum tækifæri til að ráða nema í framhaldsnámi til sumarvinnu við rannsóknir. Upplýsingar um úthlutun HÉR.

Boðað er til Rannsóknaþings fimmtudaginn 27. maí kl. 8:30-11:00 á Grand Hótel Reykjavík. Léttur morgunverður verður í boði fyrir þinggesti frá kl. 8:15. Þingið ber yfirskriftina Byggt á styrkum stoðum og mun dagskráin taka mið af nýrri stefnu Vísinda- og tækniráðs 2010-2012. Dagskrá mun birtast á heimasíðu Rannís. Forsætisráðherra afhendir Hvatningarverðlaun Vísinda- og tækniráðs í þinglok, en þau eru veitt vísindamanni sem þykir snemma á ferlinum hafa skarað fram úr í framlagi sínu til vísindastarfs á Íslandi. Nánar um Hvatningarverðlaunin hér. Skráning á Rannsóknaþing er í netfangi rannis@rannis.is eða í síma 515 5800.

Á heimasíðu Rannís má sækja umfjöllun um nýsköpun íslenskra fyrirtækja.  Hún er byggð á nýútkominni skýrslu ESB; Evrópsku stigatöflunni um nýsköpun (European Innovation Scoreboard 2009) og fjallar um stöðu Íslands í nýsköpun í evrópsku samhengi, vöxt undanfarin ár, styrkleika og veikleika. Skýrslan verður gefin út og dreift á Rannsóknaþingi 27. maí nk.

Rannís boðar til kynningar á Rannsóknasjóði í tengslum við næsta umsóknarfrest sem er 1. júní 2010. Farið verður yfir hlutverk sjóðsins, þá styrkmöguleika sem eru í boði auk þess sem fjallað verður um umsóknir og mat þeirra. Í lokin verða fyrirspurnir og umræður. Hlutverk Rannsóknasjóðs er að styrkja vísindarannsóknir á Íslandi. Sjóðurinn styrkir skilgreind rannsóknaverkefni einstaklinga, rannsóknahópa, háskóla, rannsóknastofnana og fyrirtækja.  Kynningin fer fram á Grand Hótel Reykjavík 4. hæð og hefst kl. 9:00. Léttur morgunverður fyrir fundargesti frá 8:45. Skráning á rannis@rannis.is

Lýst er eftir umsóknum í EuroNanoMed en það er ERA-NET sem veitir styrki til evrópsks rannsóknasamstarfs á sviði örtækni á heilbrigðissviði. Umsóknarferli er tvíþætt, þann 11. maí skal skila inn drögum að umsókn til Tækniþróunarsjóðs þar sem verkefninu er lýst  (aðallega þætti íslenska aðilans) og viðskiptáætlun lögð fram. Þann 11. júní er skilafrestur fyrir rafræna umsókn í EuroNanoMed. Verkefnið er styrkt af 7. RÁ. Sjá nánar á heimasíðu EuroNanoMed verkefnisins. Nánari upplýsingar um EuroNanoMed veita Katrín Valgeirsdóttir og Már Másson.

Stuðningsumhverfi nýsköpunar á Íslandi verður í sviðsljósinu á kynningarfundi á Grand Hótel 26. maí kl. 9-12. Hátt í tuttugu aðilar munu kynna þjónustu sína við frumkvöðla og fyrirtæki, en markmiðið er að veita heildaryfirsýn og skapa umræðu um stuðningsumhverfi nýsköpunar á Íslandi. Nýsköpunarmiðstöð Íslands, Rannís, Samtök iðnaðarins og Útflutningsráð ásamt Hátækni- og sprotavettvangi standa að fundinum í tilefni af evrópsku fyrirtækjavikunni SME Week 2010 sem haldin er hátíðleg um alla Evrópu dagana 25. maí - 1. júní.  Á fundinum verða tvær málstofur, annars vegar fyrir einstaklinga með nýjar viðskiptahugmyndir og fyrirtæki í startholunum og hins vegar fyrir stærri sprota- og nýsköpunarfyrirtæki.  Vinsamlegast tilkynnið þátttöku Nánari upplýsingar veitir Þorsteinn Björnsson hjá Rannís.

Hér er ný útgáfa Raffrétta Rannís með nýjustu upplýsingum um úthlutun Nýsköpunarsjóðs námsmanna.

Athugið að umsóknarfrestur Rannsóknasjóðs fyrir 2011 er 1. júní 2010. Úthlutun fer fram á sama tíma og áður eða í janúar 2011. Nánar um Rannsóknasjóð hér.

Úthlutun úr sjóðnum fer fram í Norræna húsinu 5. maí kl. 16-17.  Björn Bjarnason setur samkomuna og fulltrúar dómnefnda kynna niðurstöður og afhenda styrkina. Veittir eru styrkir til lögfræði- og sagnfræðirannsókna. Styrkþegar sjóðsins 2009, þeir Helgi Áss Grétarsson og Gunnar Þór Bjarnason, flytja ræður. Kaffiveitingar að úthlutun lokinni.

Nú styttist í að lokaútgáfur vinnuáætlana 7. rannsóknaáætlunarinnar fyrir 2011 verði birtar í endanlegri mynd. Þegar er ljóst hvaða áherslur verða í flestum áætlunum. Hafið samband við landstengla viðkomandi áætlanna sem veita nánari upplýsingar.

Út er komin tölfræði fyrir Rannsóknasjóð 2004-2010. Þar má nálgast upplýsingar um einstök styrkár sem og samantekt yfir starfstíma sjóðsins. Þá er í viðaukum yfirlit yfir þá sem setið hafa í stjórn og fagráðum sjóðsins frá 2004. Úttektina má nálgast hér.