Rannís boðar til málþings um siðareglur í íslensku vísindasamfélagi, föstudaginn 18. mars nk. kl. 14-16 á Hótel Sögu. Hver er staða þessara mála á Íslandi? Hvernig er að starfa sem vísindamaður við núverandi aðstæður? Hverju viljum við breyta í íslensku vísindasamfélagi og hvernig? Hallgrímur Jónasson forstöðumaður Rannís setur þingið og síðan taka þrír frummælendur við, en það eru Dr. Sigurður Kristinsson, forseti hug- og félagsvísindasviðs Háskólans á Akureyri, Dr. Rannveig Traustadóttir, prófessor og forstöðumaður Rannsóknaseturs í fötlunarfræðum við Háskóla Íslands og Dr. Kári Stefánsson, forstjóri Íslenskrar erfðagreiningar. Skráning á: rannis@rannis.is

Nýsköpunarverðlaun forseta Íslands 2011 voru veitt við hátíðlega athöfn á Bessastöðum þann 23. febrúar. Verkefnið sem hlaut verðlaunin heitir Pantið áhrifin frá Móður jörð og var það unnið af Auði Ösp Guðmundsdóttur, Emblu Vigfúsdóttur og Katharinu Lötzsch frá Listaháskóla Íslands, ásamt Robert Peterssen frá Háskólanum í Gautaborg. Leiðbeinandi í verkefninu var Brynhildur Pálsdóttir. Nánar hér.

Vísinda- og tækniráð efnir til opinnar og gagnrýninnar umræðu um vísinda- og nýsköpunarkerfið á fjórum opnum fundum í febrúar-apríl 2011 undir yfirskriftinni; „Með gæði og ávinning að leiðarljósi." Hægt er að nálgast efni fundanna á heimasíðu Vísinda- og tækniráðs hér.

Auglýst er eftir umsóknum um rannsóknastyrki úr sjóði til minningar um Bjarna Benediktsson lagaprófessor og forsætisráðherra. Umsóknarfrestur er til 15. mars 2011. Veittir verða styrkir til rannsókna á sviði stjórnsýslu- og stjórnskipunarréttar annars vegar og á hag- og stjórnmálasögu 20. aldar hins vegar. Nánar hér.

Euraxess er starfatorg fyrir vísindamenn og þá sem starfa við rannsóknir í Evrópu. Þar eru auglýst laus störf og einnig er hægt að leita að sérhæfðu starfsfólki í gagnagrunni sem inniheldur u.þ.b. 15 þúsund starfsferilsskrár. Alls standa 200 þjónustuskrifstofur í 35 Evrópulöndum að starfatorginu og geta einstaklingar skráð starfsferilsskrár sínar í gagnagrunn á síðunni. Sjá nánar á Euraxess á Íslandi.

Auglýst er eftir umsóknum um styrki úr Rannsóknasjóði Sigrúnar Á. Sigurðardóttur og Haralds Sigurðssonar. Markmið sjóðsins er að efla rannsóknir á korta- og landfræðisögu Íslands og íslenskri bókfræði og stuðla að útgáfu rita um þau efni. Umsóknarfrestur er 11. apríl. Sjá nánar hér.

Ríkisendurskoðun hefur lokið svonefndri forkönnun á Rannsóknasjóði. Niðurstaðan er jákvæð og gaf greining fyrirliggjandi gagna og viðtala ekki tilefni til frekari úttektar. Nánar hér.

Ný vefsíða Rannís fór í loftið á haustmánuðum. Vefsíðan hefur fengið nýtt útlit og breytt skipulag auk þess sem enski hluti síðunnar var bættur. Það er von okkar hjá Rannís að heimasíðan nýtist markhópi okkar enn betur og eru allar ábendingar um efni og endurbætur vel þegnar.

Tækjasjóður auglýsir styrki fyrir styrkárið 2011. Umsóknarfrestur er til 15. mars kl. 16:00. Hlutverk sjóðsins er að veita rannsóknastofnunum styrki til kaupa á dýrum tækjum og búnaði til rannsókna. Nánar hér.

Framkvæmdastjórn ESB gaf nýverið út grænbók um stefnumótun á sviði rannsókna og nýsköpunar fyrir árin 2014-2020. Hagsmunaaðilum er boðið að bregðast við tillögunum fyrir 20. maí nk. Nánar hér.

Sjóðurinn veitir styrki til rannsóknatengds framhaldsnáms sem stundað er við háskóla eða á ábyrgð hans í samvinnu við rannsóknastofnanir eða fyrirtæki. Nánar hér.