Rannís boðar til Rannsóknaþings 2011 á Grand hótel Reykjavík, miðvikudaginn 8. júní kl. 8.30-10.30. Morgunverður í boði fyrir gesti frá kl. 8.15. Á þinginu verður sjónum beint að helstu áskorunum sem við stöndum frammi fyrir í tengslum við rannsóknir á norðurslóðum, velt upp þeim áhrifum sem loftslagsbreytingar kunna að hafa á umhverfi okkar og efnahag og bent á mikilvægi þess að rannsóknasamfélagið takist á við þessar áskoranir. Á Rannsóknaþingi verða Hvatningarverðlaun Vísinda- og tækniráðs afhent, en þau eru árlega veitt ungum vísindamanni sem þykir hafa skarað fram úr og gefið fyrirheit um vísindalegt framlag til íslensks samfélags. Dagskrá hér. Nauðsynlegt er að skrá sig á þingið á rannis@rannis.is

Tækifærin í evrópsku vísindasamstarfi liggja víðar en margir halda og er ekki úr vegi að hvetja vísindamenn á ýmsum fræðasviðum til að mæta á kynningarfund á öryggis- og geimáætlunum 7. rá, sem haldinn verður 10. júní kl. 8:30-11:00 á Grand hótel Reykjavík, 4. hæð. Á fundinum mun fulltrúi framkvæmdastjórnar ESB, Angelo Marino, kynna tækifæri til samstarfs og styrkja undir tveimur undiráætlunum 7. rá, annars vegar öryggisáætluninni, sem gengur bæði út á öryggi borgaranna og tæknilausnir í öryggismálum og hins vegar geimáætluninni, en þar er lögð áhersla á að styrkja umhverfisvöktun og tengdar tæknilausnir. Að kynningu lokinni gefst áhugasömum tækifæri til að eiga fund með fulltrúa ESB til að ræða einstök verkefni og hugmyndir. Skráning á rannis@rannis.is

Tækjasjóði bárust 55 umsóknir í ár en umsóknarfresturinn rann út þann 15. mars sl. Alls var sótt um 425 milljónir króna úr sjóðnum en til úthlutunar voru um 174 milljónir. Stjórn sjóðsins hefur tekið ákvörðun um styrki til 23 verkefna. Nánari upplýsingar um styrkþega og verkefni er að finna hér.

Framkvæmdastjórn ESB gaf fyrr á þessu ári út grænbók um stefnumótun á sviði rannsókna og nýsköpunar fyrir 2014-2020 og var hagsmunaaðilum boðið að bregðast við tillögunum, en þær byggja á stefnumótun sem kemur fram í EU 2020 og Innovation Union. Hugmyndir og tillögur Evrópulandanna munu síðan verða nýttar við skipulag og útfærslu nýrrar rammaáætlunar í rannsóknum og nýsköpun. Mennta- og menningarmálaráðuneytið hefur sent framkvæmdastjórninni opinbera afstöðu Íslands til tillagna um framtíð rannsókna- og nýsköpunaráætlana sambandsins. Á vefsíðu Evrópusambandsins má nálgast afstöðu fjölmargra annarra ríkja, rannsóknaráða, stofnana og einkaaðila. Einnig fylgir hér beinn tengill í Afstöðu Íslands til Grænbókar ESB

Vísindamenn, sem hafa áhuga á að leita sér að starfi eða rannsóknastöðu erlendis og stofnanir sem vilja auglýsa eftir vísindafólki til starfa, geta nýtt sér breyttan og bættan vef Euraxess, evrópska rannsóknastarfatorgsins. Kynnið ykkur efni vefsins og skoðið þau störf sem eru í boði!

Umsóknarfrestur um START rannsóknastöðustyrki rennur út 15. júní nk. START styrkirnir eru fjármagnaðir af Rannsóknasjóði og Mannauðsáætlun 7. rá.

Undirbúningur er hafinn fyrir Vísindavöku 2011 sem verður 23. september. Takið daginn frá og munið að færri komast að en vilja!

Stjórn Launasjóðs fræðiritahöfunda hefur ákveðið úthlutun fyrir 2011. Upplýsingar hér.

Umsóknarfrestur um doktorsnám hjá EMBL - European Molecular Biology Laboratory, er 30. júní 2011. Sjá nánar hér