Leiðari

„Nú stefnir í að landsframleiðsla á næsta ári verði um 100 milljörðum króna lægri en gert var ráð fyrir þegar efnahagsáætlun þáverandi ríkisstjórnar og AGS var samþykkt haustið 2008. Þetta þýðir að störf á Íslandi verða líklega um 10 þúsundum færri en ella. Fólk hefði ekki þurft að flytja úr landi eins og raun hefur verið og atvinnuleysi hefði getað verið komið undir 3% í stað þess að verða um og yfir 6% á næsta ári eins og áætlað er.

Í þessum tölum birtist einfaldasta mynd reikningsins sem þjóðin greiðir fyrir hugmyndafræðilega baráttu ríkisstjórnarinnar og stjórnarflokkanna gegn fjárfestingum í atvinnulífinu og framgangi þess." Þetta segir Vilhjálmur Egilsson, framkvæmdastjóri SA, m.a. í leiðara nýs fréttabréfs SA.

Sjá nánar »

   Fréttir

Aðalfundur Samtaka atvinnulífsins 2012 verður haldinn miðvikudaginn 18. apríl á síðasta degi vetrar kl. 13-16. Fundurinn fer fram á Hilton Reykjavík Nordica en Samtök atvinnulífsins hvetja fólk úr atvinnulífinu og aðra áhugasama um uppbyggingu atvinnulífsins til að fjölmenna á Nordica. Skráning stendur nú yfir á vef SA. Mikill áhugi er á fundinum og því vissara að skrá þátttöku fyrr en seinna.

SMELLTU TIL AÐ SKRÁ ÞIG!

Venjuleg aðalfundarstörf hefjast kl. 13 en opin dagskrá hefst kl. 14 og stendur til kl. 16:00 þegar atvinnulífið kveður veturinn 2011-2012 og fagnar sumri.  

Fjórir stjórnendur úr íslensku atvinnulífi munu fjalla um hvernig hægt sé að uppfæra Ísland - á aðalfundi Samtaka atvinnulífsins þann 18. apríl nk. Sjöfn Sigurgísladóttir, einn stofnenda Íslenskrar matorku, Edda Lilja Sveinsdóttir, sviðsstjóri verkfræðisviðs Actavis, Marín Magnúsdóttir, eigandi Practical og Kjartan Ragnarsson, forstöðumaður Landnámsseturs Íslands stíga á stokk á opinni dagskrá fundarins og fjalla um þau tækifæri sem eru til staðar til að sækja fram.
Sjá nánar »

Christoffer Taxell, forystumaður í finnsku atvinnulífi og fyrrverandi menntamálaráðherra Finnlands verður meðal ræðumanna á opinni dagskrá aðalfundar Samtaka atvinnulífsins.

Christoffer hefur víðtæka reynslu úr finnskum stjórnmálum og athafnalífi en hann var formaður erlends sérfræðingahóps sem íslensk stjórnvöld fengu til að gera úttekt á menntakerfi, rannsóknum og nýsköpun í kjölfar bankahrunsins.

Sjá nánar »

   Uppfærum Ísland.is

Að benda á tækifæri sem eru til staðar er líklegra til árangurs en að einblína á vandamál sem nóg er af! Hugmyndin að www.uppfaerumisland.is er einföld. Vefurinn er vettvangur fyrir hugmyndir um hvernig hægt er að uppfæra Ísland - gera það að enn betri stað til að búa á. Tilgangurinn með honum er ekki að finna "bestu" hugmyndina, eina stóra töfralausn sem breytir öllu til hins betra á einu bretti. Markmiðið er frekar að draga fram sem flestar litlar hugmyndir sem bæði eru áþreifanlegar og framkvæmanlegar. Hugmyndir sem hægt er að tala um, meta og gera eitthvað úr.

Vertu með og taktu þátt í að uppfæra Ísland! Íslenskt samfélag er eins og Ísland sjálft - enn í mótun - og allir geta tekið þátt í að færa það til betri vegar. www.uppfaerumisland.is

 

 Hús atvinnulífsins
 
Borgartúni 35 - 105 Reykjavík

Kjarasamningar

Vinnumarkaðsvefur

Umsagnir

Útgáfa SA

Aðalfundir SA

Fréttayfirlit

KOSNING FORMANNS SA:

Kosningu formanns SA lýkur kl. 12 þann 18. apríl en rafræn kosning stendur yfir meðal aðildarfyrirtækja SA. Vilmundur Jósefsson, formaður SA, gefur áfram kost á sér. Á forsíðu vefs SA er hnappur merktur Formannskjör. Smellt er á hnappinn til að komast inn á sérstakan kosningarvef. Þar nálgast félagsmenn kjörseðil sinn með hjálp lykilorðs.

 Fundarstjóri aðalfundar SA 2012:
 
Ari Edwald, forstjóri 365 miðla og fyrrverandi framkvæmdastjóri Samtaka atvinnulífsins stýrir aðalfundi SA 2012.